देशभरका विद्यालय भाेलिदेखि चार दिन बन्द

काठमाडौं । सरकारले चार दिन देशभरका विद्यालय बन्द गर्ने निर्णय गरेकाे छ ।

वायु प्रदूषण नियन्त्रणबाट नआएपछि शिक्षा, विज्ञान तथा प्रविधि मन्त्रालयले देशभरका शिक्षण संस्था चार दिन बन्द गर्ने निर्णय गरेकाे हाे । मन्त्रालयमा सोमबार बसेको आकस्मिक बैठकले देशभरका सम्पूर्ण शिक्षण संस्था बन्द गर्ने निर्णय गरेको हो ।

यसअघि साेमबार बालुवाटारमा आयाेजित कार्यक्रममा प्रधानमन्त्री ओ‌लीले वायु प्रदूषण नियन्त्रणमा नआए केही दिन विद्यालय बन्द हुन सक्ने जानकारी दिनुभएकाे थियाे ।

काठमाडाैं उपत्यकामा केही दिन यता वायु प्रदुषण उच्च रुपमा बढेकाे छ । देशका विभिन्न ठाउँमा लागेकाे डढेलाेका कारण वायु प्रदूषण बढेकाे हाे ।