तीन दलीय गठबन्धनमा जान मुस्किल छ– लक्ष्मण लाल कर्ण
काठमाडौं । ‘तीन दलीय गठबन्धनमा जान मुस्किल छ’– जनता समाजवादी पार्टी (जसपा)का नेता लक्षमण लाल कर्णको धारणा हो यो ।
‘हाम्रा मुद्दाहरुका सवालमा प्रधानमन्त्री केपी शर्मा ओली गम्भीर हुनुहुन्छ । कांग्रेस हाम्रो कुरा सुन्न नै चाहँदैन, अनि कसरी गठबन्धनमा जान सकिन्छ ?’– लक्ष्मणलालको प्रश्न छ ।
तैपनि कांग्रेससँग छलफल चलिरहेको उहाँले भन्नुभयो ।
जसपाले छलफल गरेर चाँडै निर्णय दिने उहाँले बताउनुभयो ।जसपाले आफ्ना मुद्दाहरु सम्बोधन गर्नेसँग मात्र गठवन्धन बनाउनेउहाँले बताउनुभयो ।
‘प्रधानमन्त्रीले गर्छु भन्नुभएकै छ । कांग्रेसले गर्न सक्छ र ?सक्दैन । अब आफैं कुरा बुझ्नुस्’– लक्ष्मणलालको भनाई छ ।
‘पहिले पनि केपी ओलीले सरकारमा आउन भन्नुभएको थियो, हामीप्रति सकारात्मक हुनुहुन्थ्यो, त्यसकारण ओली सरकारसँग वार्ता तिव्र बनाएका छौं’– उहाँले जानकारी दिनुभयो ।
शुक्रबार बुढानिलकण्ठमा बसेको तीन दलीय बैठकमा कांग्रेसले आफ्नो नेतृत्वमा सरकार बनाउन प्रस्ताव राखेको थियो । उक्त प्रस्तावमा माओवादी केन्द्र सकारात्मक देखिए पनि जसपा सकारात्मक देखिएन । पार्टीभित्र छलफल गरेर मात्र निर्णय गर्ने जसपाका नेताहरुले भनेका थिए ।
-आइएनए न्युज एजेन्सी
