कर्ण थापालाई भीम रावलको कारबाही
प्रकाशित मिति : २९ चैत्र २०७७, आईतवार ०९:३४
![](https://i0.wp.com/www.risingsunkhabar.com/wp-content/uploads/2021/04/bhim_rawal_and_karna_thapa_439942923.jpg?fit=1600%2C843&ssl=1)
काठमाडौं । नेकपा एमालेका निलम्बित नेता भीम रावलले सुदूरपश्चिम प्रदेशका अध्यक्ष कर्णबहादुर थापालाई कारबाही सिफारिस गर्नुभएको छ ।
थापालाई एक वर्षका लागि साधारण सदस्यबाट हटाउने निर्णयसहित कारबाहीका लागि सिफारिस गरिएको रावलले विज्ञप्ति निकालेर जानकारी दिनुभएको छ ।
नेता थापालाई पार्टी कार्यालय तोडफोड र गुण्डागर्दी गरेको आरोप लगाइएको छ । पार्टीलाई विसर्जनतर्फ धकेल्ने क्रियाकलाप गरेको भन्दै कारबाही गरिएको समेत विज्ञप्तिमा उल्लेख छ ।
‘नेकपा (एमाले) को नवौँ राष्ट्रिय महाधिवेशनबाट पारित विधानको धारा ४९ को (क) को १ देखि ७ र १४ तथा धारा ५० बमोजिम अनुशासनको कारबाही गरी पार्टीका सबै जिम्मेवारीबाट हटाउनुका साथै पार्टी सदस्यताबाट एक वर्ष निलम्बनका लागि सिफारिस गरिएको छ’– विज्ञप्तिमा लेखिएको छ ।
0
Shares