धरहराको टुप्पाेमा गजुर र २२ औं तलामा राखियाे शिवलिंग

काठमाडाैं । नवनिर्मित धरहराकाे टुप्पाेमा गजुर स्थापना गरिएकाे छ ।

पुरानै गजुर मर्मत गरी बाहिर सुनको जलप लगाएर धरहराको टुप्पोमा राखिएको हो । धरहराकाे २२ औं तलामा शिवलिंग पनि राखिएको छ । पुरानै शिव लिंगलाई आज विशेष पूजा गरेर स्थापना गरिएको राष्ट्रिय र्निर्माण प्राधिकरणले जनाएकाे छ ।

०७२ वैशाख १२ को भूकम्पले भत्किएको धरहरा पुनर्निर्माणको लगभग सकिएकाे छ । प्रधानमन्त्री केपी शर्मा ओलीले यही वैशाख ११ गते धरहरा उद्घाटन गर्नुहुने कार्यक्रम तय भइसकेकाे छ । उद्घाटन लगत्तै सर्वसाधारणका लागि भने धरहरा खुला गरिने छैन । केही समयपछि मात्र सर्वसाधारणका लागि धरहरा खुला गरिनेछ ।

०७२ काे भूकम्पले भत्काएको धरहराको भग्नावशेषलाई छोपेर नयाँ धरहरा छेवैमा राखिएको छ ।

-आइएनए न्युज एजेन्सी