स्नातक तह प्रथम वर्षको परीक्षा आजबाट
काठमाडाैं । स्नातक तह प्रथम वर्षको परीक्षा आजदेखि सुरु भएको छ ।
काेभिड-१९ महामारीका कारण दुई वर्षदेखि राेकिएकाे परीक्षा आजदेखि सुरु भएकाे हाे । परीक्षा आज बिहान ७ बजेदेखि सुरु भएको त्रिभुवन विश्वविद्यालयले जनाएकाे छ । स्वास्थ्य सुरक्षा मापदण्ड पूर्ण रुपमा पालना गर्दै परीक्षा सञ्चालन भइरहेकाे छ ।
काेभिडका कारण अनलाइन प्रणालीबाट परीक्षा फारम भर्दा व्यवस्था केही समस्या देखिएकाे पनि त्रिविले जनाएकाे छ । प्रवेशपत्र प्रिन्ट गर्ने बेला फोटो र पूरा विषय नआएको, केन्द्र परिवर्तन नभएको जस्ता समस्या परीक्षार्थीले भाेग्नुकाे छ । त्यस्ता प्राविधिक समस्या समाधान गरिने पनि त्रिविले जनाएकाे छ ।
त्यस्ता समस्या भएका परीक्षार्थीलाई नागरिकता वा परिचय खुल्ने अन्य परिचयपत्र हेरेर सहज रुपमा परीक्षा दिने व्यवस्था मिलाउन केन्द्राध्यक्षहरुलाई भनिएको र नमिलेका अन्य कुराहरु विद्यार्थीहरुको निवेदनको आधारमा मिलाइने पनि त्रिविले जनाएकाे छ ।