किरण गजमेरले जिते ‘द भ्वाइस अफ नेपाल’काे उपाधि

काठमाडौं । द ‘भ्वाइस अफ नेपाल सिजन-३’ को उपाधि किरण गजमेरले जितेका छन् ।

तीन जना प्रतिष्पर्धीलाई पछि पार्दै किरणले उपाधि जितेका हुन् । शनिबार राति विजेताकाे घाेषणा गरिएकाे हाे । उपाधिसँगै किरणले नगद २५ लाख रुपैयाँ समेत पाएका छन् । टिम प्रमोदबाट फाइनल पुगेका किरणले वर्ल्ड टुरको मौका समेत पाउनेछन् ।

टीम राजुबाट बाग्लुङकी तारा श्रीष मगर, टीम दीपबाट दार्जीलिङका आर्यन तामाङ र टीम तृष्णाबाट ज्वाला फाइनलिस्ट भएका छन् । तीनै जनाले द भ्वाइसको ट्रफी प्राप्त पाएका छन् ।

जजहरुकाे मूल्यांकसँगै एक सातासम्म दर्शकले गरेको भोटका आधारमा फाइनल विजेता घाेषणा गरिएकाे हो । विश्वभर रहेका नेपालीले एसएमएस र अनलाइनमार्फत उनीहरूलाई भोट दिएका थिए ।