बढ्यो सुनको मूल्यः चादीको स्थिर

काठमाडाैं। नेपालको सुनचाँदी बजारमा आज छापावाल सुनको मूल्य प्रतितोला  चार सय रुपैयाँले उकालो लागेर  ९२ हजार सात सय रुपैयाँ कायम भएको छ । पहेँलो धातु मङगलबार प्रतितोला  ९२ हजार तीन सय रुपैयाँमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कानुसार आज तेजाबी सुनको मूल्य प्रतितोला  ९२ हजार दुई सय रुपैयाँ रहने छ जसको मूल्य मङ्गलबार  ९१ हजार आठ सय रुपैयाँ तोकिएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा स्थिर छ । चाँदी मङ्गलबार प्रतितोला रु एक हजार २५० मा कारोबार भएको थियो । महासङ्घले अन्तरराष्ट्रिय बजारमा हुने सुनचाँदीका मूल्यको उतारचढावका आधारमा यहाँँ दैनिक सुन तथा चाँदीको काारोबार मूल्य तोक्दै आएको छ । अन्तरराष्ट्रिय बजारमा आज सुन प्रतिऔंस एक हजार ८२६ दशमलव ९४ डलरमा कारोबार भइरहेको छ ।
–रासस