संगठित रुपमा मलाई घेराबन्दीमा पार्ने षडयन्त्र भयाे – रवि लामिछाने
काठमाडाैं । राष्ट्रिय स्वतन्त्र पार्टीका सभापति रवि लामिछानेले संगठित रुपमा आफूलाई घेराबन्दीमा पार्ने षडयन्त्र भएको बताउनुभएको छ ।
हिजाे मंगलबार रास्वपाले काठमाडौंमा आयोजना गरेको चियापान कार्यक्रममा बाेल्दै सभापति लामिछानेले राज्य र विभिन्न शक्तिहरुले सहकारीको विषयलाई लिएर आफूलाई घेराबन्दीमा पार्ने षडयन्त्र गरेको बताउनुभयाे ।
आफूले जनताका अगाडी शिर निहुरिने कुनै काम नगरेकाले घेराबन्दीमा पार्ने षडयन्त्र सफल नहुनेदाबी उहाँले गर्नुभयाे ।
उपप्रधान एवं गृहमन्त्री नारायणकाजी श्रेष्ठले चाहेको भएर सहकारी पीडितको समस्या समाधान भइसक्ने भएपनि आफ्नो पछाडी मात्रै लाग्ने काम भएको सभापति लामिछानेले बताउनुभयाे ।
मुलुकलाई अघि बढाउन राम्रो नेतृत्व र राम्रा नीति चाहिने भएकाले नीति निर्माणमा हस्तक्षेप गर्ने उद्देश्यसाथ पार्टी अघि बढेको उहाँले बताउनुभयाे सभापति लामिछानेले आफू र पार्टीलाई जनताले गर्ने प्रश्नले सुधारको बाटो देखाउने बताउनुभयो ।
देश बनाउने मुद्दामा दलहरुका नेताहरुबीच मतभेद भएपनि स्वार्थका विषयमा भने शीर्ष भनिएका दलहरु एक हुने गरेको आराेप नि उहाँले लगाउनुभयाे ।
