कांग्रेस संसदीय दलको बैठक बस्दै

काठमाडाै‌ । प्रमुख प्रतिपक्षी नेपाली कांग्रेसकाे संसदीय दलको बैठक मंगलबार बस्दैछ ।

नयाँ बानेश्वरस्थित संघीय भवनको ल्होत्से हलमा बिहान १० बजे बैठक बस्न लागेकाे हाे । सहकारी ठगी काण्डमा संसदीय छानबिन समितिकाे कार्यादेशबारे सत्तापक्षसँग भएकाे छलफलकाे समीक्षा, संसद्‍मा प्रस्तुत हुने रणनीति लगायत विषयमा बैठकमा छलफल हुनेछ ।

प्रधानमन्त्री निवास बालुवाटारमा साेमबार साँझ बसेकाे सरकार र प्रमुख प्रतिपक्षबीचकाे बैठकले संसदीय समितिकाे कार्यादेशमा सैद्धान्तिक सहमति जुटाएकाे थियाे । समितिकाे टिओआर टुंग्याएर आजै छानबिन समिति गठन गर्ने तयारी छ ।