खानेपानी योजनाबाट दुई सय ५० जना लाभान्वित
प्रकाशित मिति : २२ असार २०८१, शनिबार १६:२५
0
Shares
राजविराज (सप्तरी) । सप्तरीको रुपनी गाउँपालिकामा रुपनी खानेपानी योजना आयोजना सम्पन्न भएको छ । योजनाबाट रुपनी–१ स्थित कर्मचारी टोलका ५० घर परिवार लाभान्वित भएका छन् । रुपनी गाउँपालिकामा कार्यरत इञ्जिनीयर रमेश यादवले २२ लाखको लागतमा खानेपानी योजना सम्पन्न भएको जानकारी दिनुभयो ।
रुपनी गाउँपालिकाका अध्यक्ष दिनेशकुमार यादवले रुपनी खानेपानी योजनाले खानेपानी समस्या समाधान गर्न सहयोग पुगेको बताउनुभयो । रुपनी खानेपानी योजनाका अध्यक्ष तीर्थबहादुर खड्काले योजनाबाट करिब दुई सय ५० जना लाभान्वित भएको जानकारी दिनुभयो ।
–रासस
0
Shares
