नेपालमा साउन २५ गते विश्व आदिवासी दिवस मनाइने
काठमाडौं । नेपाल आदिवासी जनजाति महासंघले साउन २५ गते ३० औं विश्व आदिवासी दिवस मनाउने भएको छ ।
सोमबार पत्रकार सम्मेलनको आयोजना गरी महासंघ महासचिव दिवस राईले, ‘स्वेच्छिक रुपमा अलग बसिरहेका र भर्खरै सम्पर्कमा आएका आदिवासीहरुको अधिकार संरक्षण’ भन्ने संयुक्त राष्ट्रसंघको मूल नारा सहित ३० औं विश्व आदिवासी दिवस मनाउन लागेको जानकारी दिनुभयाे ।
उहाँका अनुसार भृकुटिमण्डपदेखि सुरु हुने उक्त कार्यक्रममा आदिवासी जनजातिहरुका मातृभाषा र लोक भाकामा बनेका गीतहरु, सांस्कृतिक झाँकीहरु, स्थानीय र रैथाने प्रकृक्तिका आदिवासी जनजातिय कलाकृति सहितका प्रदर्शनी, जातीय भेषभुषासहित प्रज्ञाभवन कमलादीसम्म परिक्रमा गरिनेछ ।
उहाँले भन्नुभयाे,‘शुकबारको दिन नेपालका आदिवासी जनजातिहरुका मातृभाषा र लोक भाकामा बनेका गीतहरु, सांस्कृतिक झाँकीहरु, स्थानीय र रैथाने प्रकृतिका आदिवासी जनजातिय कलाकृति सहितका प्रदर्शनी, विभिन्न जातिय भेषभुषासहित राजधानीको मध्यभाग भृकुटीमण्डपको प्रदर्शनीमार्गदेखि प्रज्ञाभवन कमलादीसम्म परिक्रमा गरी आदिवासी जनजातिहरुको भव्य प्रस्तुतिलाई प्रतिविम्वित गरीनेछ ।
साँस्कृतिक झाँकीसहितको रÞ्याली ११ बजे भृकुटिमण्डपमा जम्मा भएर भद्रकाली, सुन्धारा, जमल, घण्टाघर भएर नेपाल प्रज्ञा प्रतिष्ठान कमलादीको सभाहलमा प्रवेश गरी मूल समारोहमा परिणत हुनेछ ।’
