भारतीय विदेश सचिव आज नेपाल आउँदै
प्रकाशित मिति : २७ श्रावण २०८१, आईतवार १०:३७
0
Shares
काठमाडौं । भारतीय विदेश सचिव विक्रम मिश्री दुईदिने नेपाल भ्रमणका लागि आज नेपाल आउँदै हुनुहुन्छ ।
भ्रमणका क्रममा विदेश सचिव मिश्रीले राष्ट्रपति रामचन्द्र पौडेल, प्रधानमन्त्री केपी शर्मा ओली र परराष्ट्र मन्त्री आरजु राणासँग भेटवार्ता गर्ने तालिका छ । त्यस्तै नेपाली कांग्रेस सभापति शेरबहादुर देउवा र माओवादी अध्यक्ष पुष्पकमल दाहाल प्रचण्डसँग पनि भेटघाट गर्ने कार्यक्रम छ । उहाँ सोमबार स्वदेश फर्कने परराष्ट्र मन्त्रालयले जनाएको छ ।
भ्रमणका क्रममा नेपाल–भारत सम्बन्धलाई सुदृढ गर्ने र द्विपक्षीय सहमतिका विविध विषयमा छलफल गर्ने परराष्ट्र मन्त्रालयले जनाएको छ ।
0
Shares
