टिआरसि विधेयक पारित भएसँगै देश अगाडि बढ्यो : सांसद झा

काठमाडौं । राष्ट्रिय स्वतन्त्र पार्टी (रास्वपा) का प्रवक्ता मनिष झाले टिआरसि विधेयक पारित भएको कुरालाई सकारात्मक रुपमा लिएको बताउनुभएकाे छ ।

बुधबार प्रतिनिधिसभाको बैठक पश्चात उहाँले एउटा विवाद र राजनीतिक कालखण्ड सबैले भोग्नु परेको र त्यसको मूल्य धेरै नागरिकले चुकाएको भन्दै त्यो सबैपश्चात अब देश अगाडि बढेको बताउनुभयाे ।

उहाँले भन्नुभयाे, ‘एउटा राम्रो कुरा के भएको छ भने देश अगाडि बढ्दै छ । एउटा विवाद, एउटा राजनीतिक कालखण्ड हामीले भोग्नु परेको छ, र त्यसको मूल्य धेरै नागरिकले चुकाएको छ त्यो सबै भएपनि आज यो देश अगाडि बढ्ने क्रममा छ । यसलाई सकारात्मक रुपमा लिएका छौँ ।’

यस्तै, पत्रकारले भ्रष्टाचारको मुद्धामा हदम्यादको विषयमा उठाएको प्रश्नमा उहाँले आफ्नो मान्छे बचाउने हिसाबले हदम्यादको विचार आएको भन्दै यो गलत रहेको बताउनुभयाे ।