डिडिसिले किसान ठग्दै, धनकुटार तेह्रथुमका किसान मारमा
काठमाडौँ । अहिले धनकुटा र तेह्रथुमका किसानलाई डिडिसिले ठगेको पाइएको छ ।
डिडिसिले ठग्यो भन्दा धेरैलाई पत्यार पनि लाग्दैन होला । तर यो सत्य हो । पुष महिना देखिको बक्यौता रकम नदिएर डिडिसिले धनकुटा र तेह्रथुमको किसानलाई ठगेको पाइएको छ ।
डिडिसिकै कारण अहिले धनकुटा र तेह्रथुमका लगभग पाँच हजार किसान विस्थापित हुने अवस्थामा पुगेका छन् ।
हाम्रो जस्तो कृषि प्रदान देशमा सरकारी सस्था डिडिसिको नै नियतमा माथि प्रश्न उठ्न थालेपछि किसानहरु कृषि पेशबाट वन्चित हुनु परेको छ ।
अहिले मरिमेटेर गाई भैसी पालेर बेचेको दूधको रुपैयाँ पैसा ९ महिना देखि नपाएपछि किसानहरुले केही आन्दोन समेत गरेका थिए । दुग्ध उत्पादक जिल्ला सहकारी संघ धनकुटाको तथ्याङ्क अनुसार गतवर्षको मंसिर देखि यस वर्षको असार मसान्त सम्म मात्रै डिडिसिले धनकुटा र तेह्रथुमका १७ वटा दुग्ध संचालक सहकारी संस्थालाई १३ करोड ९३ लाख २९ हजार १ सय ७५ रुपैयाँ भुक्तानी दिन बाकी छ ।
सहकारी मार्फत आफ्नो दूध बेचेका अहिले हजारौं किसान अहिले मर्कामा परेका छन् ।
उनीहरूले पटक पटक आन्दोलन गर्दा समेत कुनै सुनवाई नभएको किसानहरूले बताएका छन् ।
