रवि लामिछाने पक्राउ विरुद्ध काठमाडौंमा रास्वपाको प्रदर्शन

काठमाडाैं । सहकारी ठगी आराेपमा पक्राउ परेका रवि लामिछानेकाे समर्थनमा राष्ट्रिय स्वतन्त्र पार्टी (रास्वपा) ले काठमाडाैं केन्द्रित आन्दाेलन थालेकाे छ ।

पार्टी सभापति लामिछाने पक्राउ परेपछि पोखरा केन्द्रित आन्दोलन गर्दै आएको रास्वपाले आजदेखि काठमाडौं केन्द्रित आन्दोलन थालेकाे हाे । रवि पक्राउकाे विराेधमा रास्वपाका नेता-कार्यकर्ताले अहिले माइतीघर मण्डलामा प्रदर्शन गरिरहेका छन् ।

पाेखरामा सहकारी पीडितले आन्दाेलन चर्काएपछि रास्वपाले त्यहाँकाे प्रदर्शन स्थगित गरेर काठमाडाैंमा केन्द्रित भएकाे हाे । सत्तापक्षले अनुसन्धानलाई प्रभावित पार्ने गतिविधि नगर्न आग्रह गरेपनि रास्वपाले भने अटेर गरेकाे छ ।