माओवादी केन्द्रले कीर्तिपुरको मेयरमा प्रा.डा.शिवशरण महर्जनलाई उम्मेदवार बनाउने
प्रकाशित मिति : २० कार्तिक २०८१, मंगलवार १०:०३
113
Shares
काठमाडौं । नेकपा माओवादी केन्द्रले कीर्तिपुरको मेयरमा प्रा.डा.शिवशरण महर्जनलाई उम्मेदवार बनाउने भएको छ ।
माओवादी केन्द्र कीर्तिपुर नगर समितिको बैठकले उपनिर्वाचनका लागि महर्जनलाई उम्मेदवार बनाउने सर्वसम्मत निर्णय गरेको छ । माओवादी केन्द्रका उपाध्यक्ष अग्नि सापकोटा समेतको उपस्थितिमा बसेको बैठकले सो निर्णय गरेको हो ।
कीर्तिपुर नगरपालिकामा मङ्सिर १६ गते उप निर्वाचन हुँदै छ । यस अघि सो नगरपालिकामा गठबन्धनबाट नेपाली कांग्रेसका उम्मेदवार निर्वाचित हुनुभएको थियो । उहाँको निधन पछि उपनिर्वाचन हुन लागेको हो ।
नेकपा एमालेले डा.सुरेन्द्र मानन्धरलाई उम्मेदवार बनाउने यस अघि नै निर्णय गरिसकेको छ ।
हुने उपनिर्वाचनका लागि राष्ट्रिय प्रजातन्त्र पार्टीले ध्रुव महर्जनलाई उम्मेदवार बनाउने निर्णय गरेको छ ।
113
Shares
