यु-१९ महिला टी-२० विश्वकप एसिया छनोट : नेपालले आज कुवेतसँग खेल्दै

काठमाडाैं । संयुक्त अरब इमिरेट्स (यूएई) मा जारी आईसीसी  यु-१९ महिला टी-२० विश्वकप क्रिकेट एसिया छनोटमा नेपालले आज कुवेतसँग खेल्दैछ ।

नेपाल र कुवेतबीचकाे खेल युएईको सेभेन्स स्टेडियममा नेपाली समयअनुसार आज बिहान सवा ११ बजे सुरु हुनेछ ।

जारी प्रतियोगिताको पहिलो खेलमा थाइल्याण्डलाई ६७ रन र दोस्रो खेलमा कुवेतलाई १ सय ८ रनले हराएकाे नेपाल तेस्राे खेलमा भने घरेलु टाेली युएईसँग १३ रनले पराजित भएकाे थियाे । चाैथाे खेलमा नेपालले थाइल्याण्डलाई १ सय ६ रनले पराजित गरेको थियो ।

नेपालले अन्तिम खेल भाेलि बुधवार युएईसँग खेल्नेछ ।

प्रतियोगितामा आयोजक युएई सहित नेपाल, कुवेत र थाइल्याड सहभागी छन् । प्रतियाेगितामा सहभागी ४ टोलीमध्ये शीर्ष स्थान हासिल गर्ने टोली आईसीसी यु-१९ महिला टी-२० विश्वकप क्रिकेटका लागि छनोट हुनेछ । यु-१९ महिला टी-२० विश्वकप क्रिकेट प्रतियोगिता अर्को वर्ष जनवरीमा मलेसियामा हुँदैछ ।