काठमाडौंका यी ठाउँमा आज डेढ घण्टा बत्ती जाने
प्रकाशित मिति : ५ पुष २०८१, शुक्रबार १०:४३
113
Shares
काठमाडाैं । काठमाडाैंका विभिन्न ठाउँमा आज डेढ घण्टा बत्ती जाने भएकाे छ ।
बलम्बु सबस्टेशन अन्तर्गत थानकोट फिडरमा पर्ने नैकाप, बलम्बु, चुनदेवी, खहरे, दहचोक लगायत क्षेत्रमा आज बिहान साढे १० बजेदेखि मध्याह्न १२ बजेसम्म बिजुली कटौती हुने नेपाल विद्युत् प्राधिकरणले सूचनामार्फत जानकारी दिएकाे छ ।
ती प्राविधिक जडान कार्यका लागि बिजुली कटौती गर्न लागिएकाे सूचनामा उल्लेख छ । तोकिएको कार्य निर्धारित समयअगावै सम्पन्न भए पहिल्यै बत्ती आउने प्राधिकरणले जनाएकाे छ ।
प्राधिकरणले फिडरअन्तर्गत सम्पूर्ण क्षेत्रका ग्राहक वर्गमा पर्न गएको असुविधाप्रति क्षमा मागेको छ ।
113
Shares
