२० पुष २०८१, शनिबार
  • हाम्रो बारेमा
  • विज्ञापन

बाल गायक सचिन परियारको निधन, अन्त्येष्टिको तयारी

प्रकाशित मिति :  १८ पुष २०८१, बिहीबार १४:१६


काठमाडौं । बालगायक सचिन परियारको निधन भएको छ। स्वास्थ्यमा समस्या देखिएपछि महाराजगञ्जस्थित टिचिङ अस्पताल भर्ना भएका परियारको बिहीबार बिहान १० बजे निधन भएको हो ।

स्वास्थ्यमा समस्या देखिएपछि सचिन बुधबार उहाँ अस्पताल भर्ना भएका थिए। छोराको निधनबारे उहाँका बुवा तेजेन्द्र परियारले पुष्टि गर्नुभएकाे छ ।

सचिनको स्वास्थ्य अवस्थामा समस्या आएको र उपचारको लागि रकम आवश्यकता भएको भन्दै उहाँको परिवारले आर्थिक सहयोगको माग समेत गरेको थियो।

भाइरल बाल गायकका रुपमा परिचित सचिनले गाएका गीत समाजिक सञ्जालमा चर्चित छन् । उहाँको शवलाई अस्पतालबाट निकालेर अन्तिम संस्कारका लागि लैजाने तयारी भइरहेको छ ।

सचिनले महानयक राजेश हमालसँग एक म्युजिक भिडियो अभिनय गरेका थिए। हास्य श्रृखला ‘मेरी बास्सै’मा पनि उहाँले अभिनय गरेका छन्।

‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायत उहाँका रुचाइएका गीत हुन्। भाइरल बालगायकका रुपमा परिचित सचिन थुप्रै गीत गाएका छन्, भने अभिनेता राजेश हमालसँग एक म्युजिक भिडियो अभिनय गरेका छन् ।

उहाँले हांस्य श्रृखला ‘मेरी बास्सै’मा पनि अभिनय गरेका छन् । सचिनलाई संचारकर्मी मोहन बस्नेतले गुल्मीदेखि काठाडौँ ल्याएका थिए ।

पारिवारिक विचलनको मारमा परेका सचिनलाई विभिन्न निकाय, संचारमाध्यमले ठूलो सहयोग गरेता पनि उनको रेखदेखमा कमी भएका कारण पटक पटक स्वास्थ्य समस्या भोग्दै आएका सचिनले अन्तत टिचिमा अन्तिम श्वास फेरेका छन् । एक सातादेखि टिचिङमा उपचार गराइरहेका बेला सचिनको स्वास्थ्य अवस्था झनै कमजोर बन्दै गएको उहाँका बाबु परियारले जानकारी दिनुभयाे ।


226
Shares

प्रतिक्रिया दिनुहोस !