आज त्रिविको ४९औँ दीक्षान्त समारोह

काठमाडाैं । त्रिभुवन विश्वविद्यालय (त्रिवि) ले आज ४९औँ दीक्षान्त समारोहको आयोजना गर्दैछ ।

दीक्षान्त समारोह काठमाडाैंकाे त्रिपुरेश्वस्थित दशरथ रंगशालामा आयोजना हुँदैछ । समारोहको प्रमुख अतिथि राष्ट्रपति रामचन्द्र पौडेल रहनुहुनेछ ।

विद्यार्थीका लागि बिहान १० बजेदेखि नै समारोह स्थल खुल्ला गरिने त्रिभुवन विश्वविद्यालयले जनाएको छ । यस वर्ष १२ हजार ४ सय १५ जना विद्यार्थी दीक्षित हुँदैछन् ।

०७९ असारदेखि ०८० असार मसान्तसम्म पास भएका ७३ हजार विद्यार्थीमध्ये १२ हजार ४ सय १५ जना विद्यार्थीले दीक्षान्त समारोहमा सहभागी हुन आवेदन दिएका त्रिविले जनाएको छ ।