संवैधानिक परिषद्काे बैठक आज बस्दै

काठमाडाैं । संवैधानिक परिषद्को बैठक आज बस्दैछ ।

बैठक साँझ ५ बजे बस्ने प्रधानमन्त्री केपी शर्मा ओलीको सचिवालयले जनाएको छ । आजकाे बैठकले नयाँ प्रधानन्यायाधीश नियुक्ति सिफारिस लगायत निर्णय गर्ने बताइएकाे छ ।

यसअघि भदौ २८ गतेको बसेकाे बैठकमा नयाँ प्रधानन्यायाधीश नियुक्तिका विषयमा छलफल भएपनि कुनै निर्णय भने भएकाे थिएन । आगामी असोज २० गतेदेखि प्रधानन्यायाधीश विश्वम्भरप्रसाद श्रेष्ठ अनिवार्य अवकाशमा जाने भएपछि नयाँ प्रधानन्यायाधीशको नियुक्तिका लागि तयारी गरिएकाे हाे ।

आजकाे बैठकले विभिन्न संवैधानिक निकायमा रिक्त पदाधिकारी नियुक्तिकाे सिफारिस पनि गर्न सक्ने बताइएकाे छ ।