नेपालकाे एपीएफ महिला टाेली र भारतीय सीमा सुरक्षा बलको महिला टाेलीबीच मैत्रीपूर्ण फुटबल हुने

काठमाडौं ।  नेपाल-भारत महिला मैत्री समाजको आयोजनामा हुने नेपाल–भारत मैत्री फुटबल खेलमा नेपालको ए.पि.एफ महिला टिम  र भारतीय सिमा सुरक्षा बलको महिला टिम बिच खेल हुने भएको छ । 

खेल मंसिर १५ गते दिउसोको ३ बजे भारतको टोर्सा स्टेडियम, सिमा सुरक्षा बल, रानिडागां सिलगुडीमा हुने भएको छ  । 

उक्त खेल नेपाल तथा भारतको महिला फुटबल खेलाडीहरूको  क्षमता अभिवृद्धी तथा भाइचारा  विकाश गर्ने उद्देश्यले आयोजना गरिएको जनाइएको छ  । 

सो खेलमा नेपाली टिमको नेतृत्व सशत्र प्रहरी बलको सहायक प्रहरी उपरीक्षक विकास घिमिरेले गर्नुभएको छ । 

नेपाल-भारत महिला मैत्री समाजका अध्यक्ष माननीय चन्दा चौधरी पनि उक्त टोली सँगै प्रस्थान गर्नु भएको छ ।