देउवाको पक्षमा गरिएको हस्ताक्षरलाई मान्यता नदिन जसपाको पत्र
![](https://i0.wp.com/www.risingsunkhabar.com/wp-content/uploads/2021/05/flag-of-jaspa.jpg?fit=1000%2C527&ssl=1)
काठमाडौं । जनता समाजवादी पार्टी (जसपा) ले नेपाली कांग्रेसका सभापति शेरबहादुर देउवालाई प्रधानमन्त्री बनाउन जसपाका सांसद्हरुले गरेको हस्ताक्षरलाई मान्यता नदिन पत्र पठाएको छ ।
राष्ट्रपति कार्यालयमा पत्र पठाई देउवालाई प्रधानमन्त्री बनाउन जसपाका १२ जना सांसद्ले गरेको हस्ताक्षरलाई मान्यता नदिन अनुरोध गरेको हो । आज जसपाका १२ जना सांसद्ले कांग्रेस सभापति शेरबहादुर देउवालाई संविधानको धारा ७६ (५) अनुसार प्रधानमन्त्री बनाउने पक्षमा हस्ताक्षर गरेका थिए ।
जसपा संसदीय दलका नेता राजेन्द्र महतोले पत्र लेखी पार्टी निर्णय विपरित हस्ताक्षर गर्ने ती सांसद् माथि कारबाहीको प्रक्रिया अघि बढाइएकोले सो हस्ताक्षरलाई मान्यता नदिन अनुरोध गरिएको छ । जसपाले केपी शर्मा ओलीलाई समर्थन गर्ने औपचारिक पत्र राष्ट्रपति कार्यालयमा बुझाइ सकेको छ ।
जसपाको उपेन्द्र बाबुराम गुटका १२ जना सांसद्ले देउवाको पक्षमा हस्ताक्षर गर्नुभएको थियो ।