माथिल्लाे तामाकाेशीले राष्ट्रिय आत्मविश्वास बढाएकाे छ – प्रम ओली
काठमाडाैं । प्रधानमन्त्री केपी शर्मा ओलीले माथिल्लाे तामाकाेशी जलविद्युत आयाेजना सम्पन्न भइ विजुली उत्पादन हुनु ज्यादै खुशीकाे क्षण भएकाे बताउनु भएकाे छ ।
माथिल्लाे तामाकाेशी जलविद्युत आयाेजनाकाे उद्घाटन समाराेहलाई बालुवाटारबाट सम्बाेधन गर्दै प्रधानमन्त्री ओलीले दाेलखाबासीलाई बधाई पनि दिनुभयाे । याे आयाेजना सम्पन्न भएसँगै उर्जा क्षेत्रकाे आत्मविश्वास बढेकाे बताउँदै उहाँले भन्नुभयाे – ‘यसले उर्जा क्षेत्रकाे आत्मविश्वास बढाएकाे छ, त्यति मात्र हाेइन राष्ट्रिय आत्मविश्वास बढाएकाे छ, किनकी हामी हाम्रै बलबुतामा पनि विकास गर्न सक्छाैं, थुप्रै काम गर्न सक्छाैं भन्ने प्रमाणित भएकाे छ ।’
याे आयाेजनाका आर्थिक प्राविधिक लगायत कैयाैं फाइदा रहेका बताउनुभयाे । साे आयाेजनाबाट दाेलखाबासी मात्र नभएर देशबासी नै लाभान्वित हुने बताउँदै प्रधानमन्त्री ओलीले भन्नुभयाे – ‘विकास हामी सबैकाे साझा आवश्यकता हाे, विकासकाे सफलता हामी सबैकाे सफलता हाे, यसले उत्पादन गरेकाे बिजुली ढल्केवरमा गएर देशका सबै ठाउँमा वितरण हुन्छ, निर्यातका लागि पनि अनुकूल हुन्छ ।’
