प्रतिनिधि सभा बैठक आज(कार्यसूचीसहित)

काठमाडौं । प्रतिनिधि सभा बैठक आज बस्दै छ ।

दिउँसो १ बजे बस्ने बैठकका लागि तीन वटा सम्भावित कार्यसूची तय गरिएकाे संघीय संसद् सचिवालयले जनाएकाे छ । बैठकमा नवनियुक्त प्रधानमन्त्री शेरबहादुर देउवालाई दलका नेताहरुले बधाई एवं शुभकामना दिने कार्यसूची छ ।

प्रधानमन्त्री शेरबहादुर देउवाले महालेखा परीक्षकको ५७ औं वार्षिक प्रतिवेदन, २०७८ पेस गर्नुहुने कार्यसूची तय छ । राज्य व्यवस्था तथा सुशासन समितिकी सभापति शशी श्रेष्ठले कारागार विधेयक सम्बन्धी समितिको प्रतिवेदन, २०७८ पेस गर्ने कार्यसूची समेत रहेकाे संसद् सचिवालयले जनाएकाे छ ।

यसअघि साउन ३ मा पुर्नस्थापित प्रतिनिधि सभाकाे पहिलाे बैठक बसेकाे थियाे । साे बैठकमा प्रधानमन्त्री देउवाले विश्वासकाे मत लिनुभएकाे थियाे ।