दाङमा अटोरिक्सा र मोटरसाइकल ठोक्किँदा दुईजनाको ज्यान गयो

काठमाडौं । दाङमा अटोरिक्सा र मोटरसाइकल एकापसमा ठोक्किँदा दुईजनाको ज्यान गएको छ । दुर्घटनामा एकजना गम्भीर घाइते भएका छन् ।

इलाका प्रहरी कार्यालय तुलसीपुरका अनुसार मोटरसाइकल चालक बबई गाउँपालिका–४ निवासी ३० वर्षीय राजेश भण्डारी र मोटरसाइकलमा सवार सोही स्थानका ३१ वर्षीय साकार केसीको ज्यान गएको हो ।

दाङ तुलसीपुर–२ कुमलगडीबाट तुलसीपुरतर्फ आउँदै गरेको रा १ ह ४०९६ नम्बरको अटो र विपरीत दिशाबाट जाँदै गरेको रा ७ प २५० नम्बरको मोटरसाइकल एकापसमा ठोक्किँदा दुर्घटना भएको हो । दुर्घटनामा घाइते भएकाको उपचारका क्रममा ज्यान गएको प्रहरीले जनाएको छ ।

दुर्घटनामा परी अटो चालक दाङ शान्तिनगर–७ खैरेनीका ४३ वर्षीय रुद्रबहादुर थापा गम्भीर घाइते भएका छन् । घाइतेको नेपालगञ्जमा उपचार भइरहेको छ ।