खोलाले बगाउँदा गयाे ज्यान
प्रकाशित मिति : ३ श्रावण २०८१, बिहीबार १५:३३
0
Shares
त्रिवेणी (रुकुमपश्चिम) । रुकुम पश्चिमको आठबिसकोट नगरपालिका–१२ मा खोलाले बगाउँदा एक जनाको ज्यान गएको छ । सिलागाउँका ५५ वर्षीय चन्द्रे पुनलाई आज खोलाले बगाउँदा उनको ज्यान गएको हो ।
काफचौर तर्नेक्रममा खोलाले बगाउँदा पुनको ज्यान गएको इलाका प्रहरी कार्यालय आठबिसकोटका प्रहरी निरीक्षक नविन मरासिनीले जानकारी दिनुभयो । उहाँको शव ढुङ्गा र माटोले पुरिएको अवस्थामा फेला परेको छ ।
यसअघि सोमबार राति आएको बाढीले सोही वडाको झिनचौरमा तीन बालिकाको ज्यान गएको थियो । खोलाले बगाउँदा एक जना अझै बेपत्ता छन् । बाढीका कारण सो क्षेत्रमा भौतिक संरचनामा अत्यधिक क्षती पुगेको ।
–रासस
0
Shares
