प्रधानमन्त्री ज्यु काँध फेर्नुभयो अब खुट्टा पनि फेर्नुस् -रामहरि खतिवडा
![](https://i0.wp.com/www.risingsunkhabar.com/wp-content/uploads/2024/03/ramhari-khatiwoda-lafing.jpg?fit=1200%2C700&ssl=1)
काठमाडौं । नेपाली कांग्रेसका सांसद् रामहरि खतिवडाले हराएको प्रधानमन्त्री भेटेको भन्दै सत्ता गठबन्धनप्रति कटाक्ष गर्नुभएको छ ।
बिहीबार बसेको प्रतिनिधि सभा बैठकमा बोल्दै सांसद् खतिवडाले भन्नुभयो – ’हराएको प्रधानमन्त्रीलाई भेट्नुभएको सबैलाई बधाई दिन चाहान्छु, सरकारलाई जनताले पनि भेटोस्, सहकारी पीडितले न्याय पाउन् सहकारी ठगले कारबाही पाउन्, मिटरब्याजी र लघुवित्त पीडितले न्याय पाउन् ।’
नयाँ गठबन्धनमा उपप्रधानमन्त्रीको लस्कर लागेको भन्दै उहाँले कटाक्ष गर्नुभयो । प्रधानमन्त्री पुष्पकमल दाहाल प्रचण्डले नयाँ गठबन्धन बनाएकोप्रति लक्षित गर्दै सांसद् खतिवडाले भन्नुभयो – ’काँध फेर्नुभयो, प्रधानमन्त्रीजीले खुट्टा फेरिरहनुहोस् यसमा पनि शुभकामना ।’
एमालेले केही दिन अघि सदनमा छोरीको नगरपालिका भनेकोतर्फ लक्षित गर्दै उहाँले भन्नुभयो – ’अब छोरी नगरपालिका भन्थे अब बा नगरपालिका पनि घोषणा होस् ।’