कृषि क्षेत्रमा आर्थिक वर्षको नीति, बजेट तथा कार्यक्रम ल्याउनुपर्छ: मन्त्री ज्वालाकुमारी साह
![](https://i0.wp.com/www.risingsunkhabar.com/wp-content/uploads/2024/03/20240325154950.jpg?fit=1920%2C1080&ssl=1)
काठमाडौँ । कृषि तथा पशुपंक्षी विकासमन्त्री ज्वालाकुमारी साहले कृषि क्षेत्रको आगामी आर्थिक वर्षको नीति, कार्यक्रम र बजेटका लागि सुझाव माग्नु भएको छ । उहाँले सांसदहरुसँग सुझावका लागि आवहन गर्नुभएको हो ।
सोमबार सिंहदरबारमा आगामी आर्थिक वर्षको नीति, कार्यक्रम र बजेट सम्बन्धमा सांसदहरूसँगको अन्तरक्रिया कार्यक्रममा उहाँले मुलुकलाई कृषिमा कसरी आत्मनिर्भर बनाउन सकिन्छ र बिदेशीएका युवाहरुलाई नेपाल फर्काएर स्वदेशमै रोजगारीको सृजना कसरी गराउन सकिन्छ भन्ने विषयमा सुझावको लागि आवहन गरेकी हुन् ।
उहाँले भन्नुभयो्, ‘कृषिमा कस्तो खालको योजना बनाएर जाँदा कृषिमा आत्मानिर्भर बन्न सकिन्छ । वा विदेशिएका युवालाई कृषिमै आत्मनिर्भर हुनेगरी कसरी स्वदेश फर्काउन सकिन्छ र रोजगारीमा समाहित भएर काम गर्न सकिन्छ भन्ने सुझावहरु कृषिमा आउनुपर्छ ।’
उहाँले देशमा उत्पादीत सामानहरु निर्यात कसरी गर्ने र आयातलाई प्रतिस्थापन गरी अन्त्य गर्ने काममा सांसदहरूले दिएको सुझावले सरकारको कार्ययोजनामा थप टेवा पुग्ने बताउनुभयो ।
उहाँले भन्नुभयो्,‘हाम्रो कयौं उतपादन भएका सामानहरु निर्यात कसरी गर्ने भन्ने योजना बनाउनु पर्ने छ । हामीले आयातलाई कसरी प्रतिस्थापन गर्ने, कसरी अन्त्य गर्नेलगायतका विषयमा पनि मान्यज्युहरुबाट सुझाव आउँदा राम्रो हुन्छ ।’
उहाँले दुग्ध उत्पादनलाई बढवा दिनका लागि बजारीकरण गर्न आवश्यक रहेको पनि बताउनुभयो ।