इलाममा आज एमालेको विजय सभा, पार्टी अध्यक्ष केपी ओलीले सम्बोधन गर्ने

काठमाडौं । इलाम–२ को उपनिर्वाचन जितेपछि नेकपा एमाले इलामले आज विजय सभा आयोजना गर्दै छ ।

शनिबार भएको उपनिर्वाचनमा एमालेका उम्मेदवार सुहाङ नेम्बाङले विजय प्राप्त गर्नुभएको हो । आज बिहान घोषणा भएको अन्तिम मत परिणाम अनुसार सुहाङले २७ हजार ७ सय ७२ मत प्राप्त गरी विजयी हुनुभएको छ । उहाँका निकटतम प्रतिद्वन्दी नेपाली कांग्रेसका डम्बरबहादुर खड्काले २१ हजार ९ सय ४२ मत प्राप्त गर्नुभएको छ ।

आज दिउँसो एक बजे इलाममा विजय सभा हुँदै छ । सभालाई पार्टी अध्यक्ष केपी शर्मा ओलीले सम्बोधन गर्ने कार्यक्रम रहेको नेकपा एमाले इलामले जनाएको छ ।