कांग्रेस केन्द्रीय कार्यसमिति र संसदीय दलको बैठक बस्दै

काठमाडौं । नेपाली कांग्रेसको केन्द्रीय कार्यसमिति र संसदीय दलको संयुक्त बैठक आज बस्ने भएको छ ।

समसामयिक राजनीतिक घटनाक्रम र पार्टीको रणनीतिबारे छलफल गर्न केन्द्रीय कार्यसमिति र संसदीय दलको संयुक्त बैठक आह्वान गरिएको हो । बैठक बुधबार दिउँसो ११ बजे सानेपास्थित केन्द्रीय कार्यालयमा बस्ने गरी पार्टी सभापति संसदीय दलका नेता शेरबहादुर देउवाले बोलाउनुभएको हो ।

कांग्रेसले सहकारी ठगी प्रकरणमा मुछिएका उपप्रधानमन्त्री एवम् गृहमन्त्री रवि लामिछानेमाथि संसदीय छानबिन समिति गठन गर्नुपर्ने माग गर्दै संसद् अवरुद्ध गर्दै आएको छ । सत्ता पक्षले छानबिन समिति गठन गर्न नमानेपछि कसरी जाने भन्ने विषयमा आजको बैठकमा छलफल हुँदै छ ।