मोटरसाइकल र स्कुटर ठोक्किदा, दुई जनाकाे गयाे ज्यान

काठमाडाैं । ललितपुरमा मोटरसाइकल र स्कुटर ठोक्किँदा दुई जनाकाे ज्यान गएकाे छ ।

शुक्रबार राति महालक्ष्मी नगरपालिका-४ टेम्पो पार्क नजिक बा ८३ प ५२६७ नम्बरको मोटरसाइकल र बा ५६ प ५०५६ नम्बरको स्कुटर ठोक्किँदा दुवै सवारी साधनका चालकको ज्यान गएको जिल्ला प्रहरी परिसर ललितपुरले जनाएको छ ।

ज्यान गुमाउनेमा स्कुटर चालक काठमाडाैंको साँखु घर भई डल्लु बस्ने २१ वर्षीय आयुष श्रेष्ठ र मोटरसाइकलका चालक खोटाङको साकेला घर भई ललितपुरको लुभु बस्ने २६ वर्षीय लकेश राई छन् ।

दुर्घटनामा गम्भीर घाइते भएका श्रेष्ठको किष्ट अस्पतालमा र राईको बीएण्डबी हस्पिटलमा उपचारका क्रममा ज्यान गएको प्रहरीले जनाएकाे छ ।