बागलुङको बडिगाड गाउँपालिकामा पहिरोमा परी ज्यान गुमाउनेको सङ्ख्या आठ पुग्यो

काठमाडौं । बागलुङको बडिगाड गाउँपालिकामा पहिरोमा परी आठ जनाको ज्यान गएको छ ।

पहिरोमा परेर वडा नम्बर १० दर्लिममा ६ जना र वडा नम्बर ९ मा दुई जनाको ज्यान गएको हो ।

बडिगाड गाउँपालिका १० मा पहिराले घर गोठ बगाउँदा सात वर्षीया मालती बुढा, सात वर्षीया मधु बुढा, १३ वर्षीय मनोज बुढा, १३ वर्षका अमन बुढा, सञ्जु विककी ६ महिने छोरी र ५९ वर्षीय मैतीदेवी विकको ज्यान गएको छ ।

पहिरोमा परी संगीता बुढा, सुमित्रा विक, सीता थापा र मङ्गलसिंह बुढा घाइते हुनुभएको छ ।

पहिरोमा परी सो गाउँपालिका–९ का १५ वर्षीय विधान परियार र गंगा विकको पनि ज्यान गएको छ ।