मोटरसाइकलको ठक्करबाट बालकको गयाे ज्यान

हेटौंडा । हेटौंडामा मोटरसाइकलको ठक्करबाट बालकको ज्यान गएको छ ।

हेटौंडा उपमहनगरपालिका वडा नम्बर–९ धाप स्थित भित्री सडक मोटरसाइकलको ठक्करबाट बालकको ज्यान गएको हो ।

मयुरधापबाट हेटौडा बजार तर्फ आउदै गरेको बागमती प्रदेश ०३–००५ प २४३ नम्बरको मोटरसाइकलले स्थानीय रामचन्द्र अर्यालका छोरा ५ वर्षिय सिभांस अर्याललाई बाटो छेउमा हिडिरहेको अवस्था ठक्कर दिएको हो ।

उहाँलाई घाईते भई उपचारको लागी हेटौडा अस्पताल ल्याएकोमा आज दिउसो ज्यान गएको जिल्ला प्रहरी कार्यालय मकवानपुरका प्रहरी नायब उपरिक्षक लक्ष्मी भण्डारीले बताउनुभयाे ।
मोटरसाइकल चालकलाई प्रहरीले नियन्त्रणमा लिएको छ ।