नक्कली शैक्षिक प्रमाणपत्र पेश गरेको भन्दै सशस्त्र बलका एसपी विरुद्ध मुद्धा
काठमाडौं । नक्कली शैक्षिक प्रमाणपत्र पेश गरेको भन्दै सशस्त्र बलका एसपी विरसिंह शाहू विरुद्ध मुद्धा दयर भएको छ ।
अख्तियार दुरूपयोग अनुसन्धान आयोगले न. ४३ रिजर्भ गण हेडक्वार्टर बनबेहडा कैलालीका तत्कालीन एसपी शाहूविरूद्ध शुक्रबार विशेष अदालतमा मुद्दा दायर गरेको हो।
एसपी माथि सेवा प्रवेश र बढुवाका लागि नक्कली शैक्षिक प्रमाणपत्र पेश गरेको आरोप अख्तिियारले लगाएको छ ।
प्रहरी निरीक्षक पदमा बढुवा नियुक्तिको लागि पेश गरेको बिए तहको शैक्षिक प्रमाणपत्रमा अख्तियारले अनुसन्धान गरेको थियो ।
अख्तियारले उनलाई ६ महिनादेखि एक वर्षसम्म कैद सजाय र १० हजार देखि २० हजार रुपैयाँसम्म जरिवानाको मागदाबी गरेको छ ।
शाहूले २०५९ चैत ७ गते प्रहरी निरीक्षक पदमा नियुक्त हुन डा.राममनोहर लोहिया अबध विश्वविद्यालय फैजाबादबाट जारी भएको प्रमाणपत्र भनेर पेश गरेको अख्तियारले जनाएको छ ।
